የእግዚአብሔር የማዳን ወንጌል ወዳልደረሰበት መድረስ የሚገባው የምሥራች ሲሆን፣ ሕይወቱን የተቀበሉ ደግሞ ሥር
ሰድደው እንዲኖሩ ማስተማር፣ ኅብረት እንዲያደርጉ ማመቻቸት እንዲሁም የክርስቶስን ሕይወት እንዲለማመዱ መርዳት
በቀዳሚነት የሚጠቀሱ የቤተ ክርስቲያን ተልዕኮዎች ናቸው፡፡ የክርስቶስን ሕይወት ከምንለማመድበት ሰናይ ምግባራት
አንዱ ደግሞ ፍቅርና ርኅራኄን ለተቸገሩ በተግባር ማሳየት ነው፡፡
ቤተ ክርስቲያን የቅዱሳን ኅብረት እንደመሆኗ ለተልዕኮዋ የሚሆናትን ገቢ የምታገኘው ቅዱሳን በታማኝነት ከሚሰጡት
ስጦታ (ዐሥራት፣ መባ፣ የፍቅር ስጦታ) ነው፡፡ የእኛም ቤተ ክርስቲያን የምታገኘው በዚሁ መልክ ነው፡፡
በመሆኑም ቤተ ክርስቲያናችን ተልዕኮዎቿን እንድትወጣ ለማገዝ ከዚህ የሚከተሉትን አማራጮች መጠቀም ይችላሉ፡፡
ለቤተ ክርስቲያን አገልግሎት ለመስጠት፡